Donostian emankizuna, azkena ote?

Etzi, apirilaren 15ean, asteazkena, Donostian ZAZPI dokumentalaren proiekzioa eta solasaldia izango dugu.

Club Vasco de Camping elkartearen egoitzan izango da, Prim kaleko 35. zenbakian, arratsaldeko 19:00etan.

Besterik ez dago programaturik eta ziurrenik, hauxe izango da ZAZPI dokumentalaren azken emankizuna.

Proiektu honi ekin nionean ez nuen uste horrelako ibilbide polita izango zuenik. 2024ko MendiFilm jaialdian parte hartzea eta euskarazko film onenaren saria jasotzea sekula ahaztuko ez dudan zerbait izan zen.

MendiTour ibiltariaren baitan 9 herritan bota zen dokumentala eta horietaz gain, zuzenean nirekin hitz eginda, beste hainbeste herritan antolatu dugu emankizuna: Oñatin, Orion, Gasteizen, Ormaiztegin, Adunan, Tekniker enpresa (Eibarren), Donezteben, Beran eta Iurretan.

Hamargarrena izango da Donostiakoa. Eta, ziurrenik, azkena.

Berehalakoan espero ez nuen bide ederra izan da ZAZPI. Eskerrik asko interesa azaldu duzuen denoi.