Zer da ZAZPI proiektua?

ZAZPI proiektuaren helburua da nire historia kontatzea: esklerosi anizkoitzaren diagnostikoa, hasierako kolpea, egoerari buelta ematen hastea, nire inguruaren papera, kirola, …

Horretarako, kamera aurrean jarri eta hizketan aritu ordez, bidaia bat egingo dut.

ZAZPI proiektuak hiru fase izango ditu:

1. Kontakizuna
2. Bidaia
3. Dokumentala

Kontakizunarekin hasi naiz jada eta blogean irakurri, ikusi eta entzun dezakezu bidaia. Kapituluka joango natzaizu proiektuaren berri ematen: nor naizen, nola antzeman nuen lehenengoz gaitza, diagnostikoa, … Kontakizun hau neronek egingo dut, tipi-tapa.

Ondoren etorriko da bidaia eta hor Pello Osorok lagunduko nau. Bidaiaren nondik norakoak ez dizkizut kontatuko oraindik. Jarraitu kontakizuna eta lanbroa altxatzen ikusiko duzu 😉

Amaitzeko, dokumentala. Hau izango da proiektuaren azken emaitza. Bidaian zehar Pellok grabaturiko irudiekin eta Maite Arroitajauregi Mursegoren musikarekin osatuko dugu.

Zatoz nirekin bidaia honetan eta jarraitu kontakizuna!